ऊस : पाळेकर गुरुजी तंत्र

  ऊस : पाळेकर गुरुजी तंत्र

ऊस हे एक महत्त्वाचे नगदी पीक आहे. ऊसाखालील क्षेत्रामध्ये भारत जगाच्या तुलनेत आघाडीवर आहे. ऊस ही भारतात तसेच दक्षिण आशियातील इतर देशांत प्राचीन काळापासून लागवडीत असलेली एक बहुवार्षिक गवताची जात आहे.
💥 जमिन 👉
ऊस लागवडीसाठी भारी ते मध्यम प्रकारची जमिनी असावी. पाण्याचा निचरा होणारी असावी. या पिकास योग्य असतात. एक मीटर खोल असलेली भारी जमिनी आणि त्याखाली मुरमासारखा पाण्याचा चांगला निचरा हाेणार्‍या आणि जमिनीचा सामू ६.५ ते ८.५ असेल तर ती जमीन उसासाठी उत्तम असते.
💥 हवामान 👉
हवामानातील तापमान, आर्द्रता, पर्जन्यमान आणि सुर्यप्रकाश या घटकांचा या पिकाच्या वाढीवर आणि उत्पादनावर परिणाम होते असतो. जास्त थंडी किंवा थंडीच्या लाटीचा उसाच्या वाढीवर परिणाम होतो असतो. लवकर उगवणीसाठी वातावरणातील तापमान १० डी. से. पेक्षा कमी नसावे. वाढीच्या अवस्थेत ऊसाला २५ डी. ते ३५ डी. से. च्या दरम्यान तापमान, ५० टक्क्यांपेक्षा जास्त आर्द्रता व चांगला सुर्यप्रकाश उपयुक्त ठरतो.
💥 जाती / वाण 👉
१) को ८६०३२ ( निरा ) - सुरू, पुर्व व आडसाली हंगामासाठी शिफारस केलेली. उशिरा पक्व होणारी व साखरे प्रमाण जास्त असणारी. खोडवा घेण्यासाठी उत्तम. काणी व गवताळ रोगास मध्यम प्रतिकारक असून पाण्याचा तान काही प्रमाणात सहन करते.
२) को एम ०२६५ ( फुले २६५ ) - तिन्ही हंगामासाठी शिफारस केलेली. एकरी उतपादन ( वजन ) जास्त, साखरे प्रमाण कमी. फुटवे जास्त व खोडवा उत्तम येतो.
३) को ८०१४ ( महालक्ष्मी ) - सुरू व पुर्व हंगामासाठी प्रसारित वाण. लवकर पक्क होणारी व उत्तम प्रतीचा गुळ तयार होतो. साखरेचे प्रमाण जास्त आहे. काणी रोगास मध्यम प्रतिकारक आहे.
४) को सी ६७१ ( वसंत १ ) - सुरू व पुर्व हंगामासाठी शिफारसलवकर पक्व होणारी व साखरे प्रमाण आधिक आहे. गवताळ व कांडी किड रोगास
बळी पडते.
५) को ९४०१२ ( फुले सावित्री ) -
सुरू व पुर्व हंगामासाठी प्रचलित.
लवकर पक्व होणारी. साखरेचे प्रमाण
सर्वाधिक असणारी व खोड व कांडी कमी प्रमाणात बळी पडणारी. उत्तम गुळ व मध्यम खोडवा येतो.
६) को ९२००५ - सुरू व पुर्व हंगामासाठी शिफारस केलेली. जास्त साखरेचे प्रमाण व उत्तम गुळ तयार होतो. ऊस लोळत नाही.
🌿🌿🌿🌿🌿🌿🌿🌿🌿🌿🌿🌿🌿
💥 बेणे निवड 👉
नैसर्गिक / सेंद्रिय / जैविक / झिरो बजेट शेती मधील ऊस अासावे. ऊस बेणे जाड, रसरशीत व निरोगी असावे. डोळ्यांची वाढ चांगली झालेली असावी. डोळे फुगीर असावेत, ते जुनाट व निस्तेज नसावे. खोडवा ऊसाचे बेणे वापरू नये. डोळ्यांजवळ मुळ्या फुटलेला, पांगशा फुटलेला ऊस बेण्यासाठी वापरू नये. ऊस बेण्यासाठी ११ महिने वयाचा वापरावा. ऊस बेणे रोगमुक्त व कीडमुक्त असावे.
💥 बेणे प्रक्रिया 👉
बिजामृत सोबत बेणे प्रक्रिया करावी. एक किंवा दोन डोळे बेणे १० ते १५ मिनीटे बुडवून ठेवावे व नंतर लागवड करावी.
💥 ऊस लागवड पद्धती 👉
ऊस पिकाची लागण बाराही महिने असली तरी प्रामुख्याने लागणीचे तीन प्रमुख हंगाम आहेत.
१) आडसाली हंगाम 👉
आडसाली उसाची लागवड जुलै - ऑगस्ट महिन्यात केली जाते. हा ऊस १६ ते १८ महिने शेतात राहतो. अलिकडे पाऊसमान कमी झाल्यामुळे आणि उसाला वेळ, श्रम, पाणी, निविष्ठा जादा लागत असल्याने आडसाली लागण जवळ जवळ बंद झाली आहे.
२) पुर्व हंगाम 👉
पुर्व हंगामी उसाची लागण सप्टेंबर ते नोव्हेंबर या महिन्यात केली जाते. हा ऊस १४ ते १५ महिने शेतात राहतो.
३) सुरू हंगाम 👉
सुरू हंगामी उसाची लागण डिसेंबर ते फेब्रुवारी या महिन्यात केली जाते. हा ऊस १३ ते १४ महिने शेतात राहतो.
💥 लागवड 👉
लागवड जमिनीच्या प्रकारानुसार खालिल प्रमाणे
८ x ८ किंवा ८ x ४ किंवा ८ x २ किंवा ६ x ६ किंवा ६ x ४ किंवा ६ x २
फुटावर करावी.
लागवड करण्यापुर्वी एकरी ४०० किलो घनजिवामृत जमिनीत मिसळून सरी पाडावी.
💥 आंतरपीके 👉
हंगामानुसार धने, कांदे, मेथी, मिरची, मका, हरभरा, भुईमुग, चवळी ( खुरटी ), मटकी, हुलगे, जवस, सातू, सोयाबीन, पालेभाज्या ई. आंतरपीके घ्यावीत. कडधान्यामुळे ऊसाला नत्र पुरवठा होईल.
दर १५ दिवसांनी २०० लिटर जिवामृत एकरी ठिबक / पाटपाणी / ड्रिचींग व्दारे द्यावे. २० दिवसांनी जिवामृत फवारणी करावी.
दर महिण्याला ताक, सप्तधांन्याकुर पैकी जे शक्य होईल त्याची जमिनीतून द्यावे व फवारणी करावी.
घनजिवामृत दर महिण्याला २०० - ४०० किलो टाकवावे.
💥 जो पर्यंत सरीमधून चालता येते तोपर्यंत फवारणी करावी नंतर वरील सर्व पाण्यातून द्यावे
🍃🍂🍃🍂🍃🍂🍃🍂🍃🍂🍃🍂🍃
आद.पाळेकर गुरुजी तंत्र