श्रावण घेवडा लागवड.

●श्रावण घेवडा लागवड●

भारतात घेवड्याची लागवड सर्वत्र केली जाते.
महाराष्ट्रात पुणे ,सातारा,अहमदनगर,सोलापुर,नाशिक इत्यादी जिल्ह्यांमधेश्रावण घेवड्याची लागवड मोठ्या
प्रमाणात केली जाते.शेंगवर्गीय भाजीपाला पिकापैकी घेवडा हे कमी दिवसात अधिक उत्पन्न देणारे पीक
आहे. घेवड्याच्या कोवळ्या शेंगाची भाजी तसेच
सुकलेल्या दाण्यांची उसळ लोकप्रिय आहे. घेवड्यांच्या
पानाचा उपयोग जनावरांच्या चाऱ्यासाठी करता येतो.
शेंगामध्ये अ आणि ब जीवनसत्व तसेच खनिजे, लोह
 आणि चुना तसेच प्रथीने भरपुर प्रमाणात असतात.
● जमीन व हवामान:-
घेवडा हेक्टरी पीक हलक्या ते मध्यम जमिनीत
पाण्याचा निचरा असणाऱ्या जमिनीत उत्तम प्रकारे येते.
अतिभारी जमिनीत झाडांची वाढ भरपुर होते. परंतु
शेंगा कमी लागतात.
जमिनीचा सामु 5.5 ते 6 च्या दरम्यान असावा.
घेवडा हेक्टरी थंड हवामानात आणि पावसाळ्यात
येणारे पीक असुन 15 ते 40 अंस सेल्सिअस तापमानात
हेक्टरी पीक चांगले येते.
अतिथंडी व अतिउष्ण हवामान या पिकास मानवत नाही.
● पुर्व मशागत:-
जमिनीचा उभी आडवी नांगरट करुन, कुळवाच्या
पाळ्या देऊन ढेकळे फोडुन जमीन भुसभुशीत करावी.
जमिनीत 40 ते 45 बैलगाड्या हेक्टरी या प्रमाणात
शेणखत मिसळावे.
● लागवड हंगाम:-
महाराष्ट्रात या पिकाची लागवड तीनही हंगामात होते.
   खरीप हंगामासाठी जुन, जुलै महिन्यात,
रब्बी हंगामातसाठी सप्टेंबर आक्टोंबर महिन्यात आणि उन्हाळी हंगामात जानेवारी, फेब्रुवारी महिन्यात घेवड्याची लागवड करतात.
● वाण:-घेवड्याच्या कटेंडर, पुसा पार्वती, अर्का कोमल, व्ही.एल, 5 जंपा, पंत अनुपमा, फुले सुयश या प्रकारच्या जाती लागवडी योग्य आहेत.
● बियाण्याचे प्रमाण:-
प्रति हेक्टरी 40 किलो बियाणे लागते.
टोकन पध्दतीने लागवड केल्यास हेक्टरी 25 ते 30 किलो बी लागते.
विशाल खांडेकर
9049033844.